.
ઈરાનના હુમલાના ડરથી અમેરિકી રાષ્ટ્રપતિ ડોનાલ્ડ ટ્રમ્પને સિક્રેટ પ્લેન દ્વારા અમેરિકા લાવવામાં આવ્યા હોવાનો અહેવાલ સામે આવ્યો છે. અયોધ્યા રામ મંદિરના CEO પદ માટે ઈન્ટરવ્યુ શરૂ થયા, 18 ઉમેદવારોને શોર્ટલિસ્ટ કરવામાં આવ્યા. મોર્નિંગ ન્યૂઝ બ્રીફમાં આગળ બતાવીશું કે MP-રાજસ્થાન સહિત 6 રાજ્યોમાં વરસાદે મુશ્કેલી વધારી છે.
⏰ આજની ઈવેન્ટ્સ, જેના પર રહેશે નજર
1. સંસદના ચોમાસુ સત્રનો આજે 18મો દિવસ છે.
2. સુપ્રીમ કોર્ટમાં શ્રીકૃષ્ણ જન્મભૂમિ-શાહી ઇદગાહ વિવાદ કેસની સુનાવણી થશે.
📰 કાલના મોટા સમાચારો
1. ઇરાનથી ડરી ગયા હતા ટ્રમ્પ, બ્રિટન જવા સીક્રેટ ફ્લાઇટ લીધેલી:તુર્કીમાં એરફોર્સ વનમાં બેસવાનો ઢોંગ કર્યો, પછી કાર્ગો વાનમાં સંતાઈને ચુપચાપ બીજી ફ્લાઇટમાં જતા રહ્યા
અમેરિકી રાષ્ટ્રપતિ ડોનાલ્ડ ટ્રમ્પ ગયા મહિને તુર્કીથી બ્રિટન જવા માટે ગુપ્ત રીતે એક નાના સૈન્ય વિમાનનો ઉપયોગ કર્યો હતો. વોશિંગ્ટન પોસ્ટના અહેવાલ મુજબ, ઈરાન તરફથી ટ્રમ્પની હત્યાની ધમકી મળ્યા બાદ તેમની યાત્રાનો આખો પ્લાન બદલવામાં આવ્યો હતો. તુર્કીની રાજધાની અંકારાથી રવાના થતી વખતે ટ્રમ્પ કેમેરા સામે જૂના એરફોર્સ વનમાં સવાર થયા.
ત્યારબાદ તેમને એરપોર્ટ પર સામાન અને ભોજન પહોંચાડતી કેટરિંગ ગાડીથી ચુપચાપ નાના સૈન્ય વિમાન C-32A સુધી પહોંચાડવામાં આવ્યા. ટ્રમ્પ 8 જુલાઈએ નાટો સમિટમાં ભાગ લેવા માટે અંકારામાં હતા. તેઓ તુર્કી નવા બોઇંગ 747-8 વિમાનથી પહોંચ્યા હતા, જે કતારના શાહી પરિવારે અમેરિકાને આપ્યું છે. વાંચો સંપૂર્ણ સમાચાર
2. રામ મંદિરના CEO બનવા પૂર્વ IAS, IPS-સૈન્ય ઑફિસરો વચ્ચે હોડ!:34 સવાલોના જવાબ આપી દિગ્ગજોએ આપ્યો ઇન્ટરવ્યૂ; કટ્ટર હિંદુ છો કે આસ્થાવાન?, ચોંકાવનારા સવાલો પૂછાયા
અયોધ્યા રામ મંદિરના ચીફ એક્ઝિક્યુટિવ ઑફિસર (CEO) માટે મંગળવારે 8 પૂર્વ અધિકારીઓએ ઇન્ટરવ્યૂ આપ્યો. તેમાં 3 પૂર્વ IAS, એક IPS અને 4 પૂર્વ સૈન્ય અધિકારીઓનો સમાવેશ થાય છે. એન્કાઉન્ટર સ્પેશિયાલિસ્ટ રહેલા પૂર્વ IPS રાજેશ પાંડેય અને જૌનપુરના પૂર્વ DM દિનેશ ચંદ્રએ પણ ઇન્ટરવ્યૂ આપ્યો. ઇન્ટરવ્યૂ સવારે 11:30 વાગ્યાથી બપોરના 2 વાગ્યા સુધી ચાલ્યો.
સૂત્રો અનુસાર, દરેક ઉમેદવારનો 15-20 મિનિટ સુધી ઇન્ટરવ્યૂ થયો. તેમને ક્યાં-ક્યાં કામ કર્યું? ધાર્મિક ક્ષેત્રમાં શું કામ કર્યું? ભગવાન રામમાં કેટલી શ્રદ્ધા છે? પરિવારમાં કોણ-કોણ છે? આ પ્રકારના પ્રશ્નો પૂછ્યા. 4 દિવસ સુધી ચાલનારા ઇન્ટરવ્યૂમાં 18 ઉમેદવારો ભાગ લેશે. તેમાંથી 3 નામ ફાઇનલ થશે. પછી આ ત્રણેયનો શ્રીરામ જન્મભૂમિ તીર્થ ક્ષેત્ર ટ્રસ્ટ ઇન્ટરવ્યૂ લેશે અને અંતે એક નામ ફાઇનલ કરશે. વાંચો સંપૂર્ણ સમાચાર
3. MP-રાજસ્થાન સહિત 6 રાજ્યોમાં 48 કલાકથી સતત વરસાદ:ભોપાલમાં ત્રીજા દિવસે પણ શાળાઓને રજા, હિમાચલમાં 259 રસ્તાઓ બંધ
મધ્યપ્રદેશ, રાજસ્થાન, ઉત્તરાખંડ, ઉત્તર પ્રદેશ, હિમાચલ અને છત્તીસગઢમાં છેલ્લા 48 કલાકથી સતત વરસાદ વરસી રહ્યો છે. ભોપાલમાં બે દિવસથી વરસાદ ચાલુ છે. અહીં 24 કલાકમાં 7 ઇંચથી વધુ વરસાદ નોંધાયો. શાળાઓમાં બુધવારે ત્રીજા દિવસે પણ રજા જાહેર કરવામાં આવી છે. શહેરમાં 1,000 થી વધુ ઘરોની આસપાસ 5 ફૂટ સુધી પાણી ભરાઈ ગયું.
રાજસ્થાનના 6 જિલ્લામાં આજે વરસાદનું ઓરેન્જ અને 17 જિલ્લામાં યલો એલર્ટ જાહેર કરવામાં આવ્યું છે. રાજ્યમાં છેલ્લા 24 કલાકમાં હાડોતી વિસ્તાર (કોટા, બારાં, બુંદી અને ઝાલાવાડ)માં 12 ઇંચ સુધી વરસાદ થયો. હિમાચલ પ્રદેશના કુલ્લુમાં NH-305 પર ચાલતી ગાડી પર કાટમાળ અને ખડકો પડ્યા. વાંચો સંપૂર્ણ સમાચાર
4. સોનિયાએ કહ્યું- મનમોહન સિંહને ઇતિહાસ સન્માનથી યાદ કરશે:કોલસા કૌભાંડ કેસમાં સુપ્રીમ કોર્ટની ક્લીનચીટ બાદ મોદી સરકાર પર નિશાન સાધ્યું
સુપ્રીમ કોર્ટ તરફથી પૂર્વ વડાપ્રધાન મનમોહન સિંહને કોલસા બ્લોક ફાળવણી કેસમાં ક્લીનચીટ મળ્યાના થોડા દિવસો પછી, કોંગ્રેસ સંસદીય દળના અધ્યક્ષ સોનિયા ગાંધીએ કેન્દ્ર સરકાર પર નિશાન સાધ્યું. સોનિયાએ મંગળવારે ધ ઇન્ડિયન એક્સપ્રેસમાં પ્રકાશિત પોતાના લેખમાં લખ્યું કે મનમોહન સિંહની ઇમાનદારી અને જવાબદારીનો રેકોર્ડ મોદી સરકારના કામ કરવાની રીતથી બિલકુલ અલગ છે. ઇતિહાસ તેમને શાંત, સરળ, પરંતુ દેશના સૌથી પ્રભાવશાળી વડાપ્રધાનોમાંથી એક તરીકે સન્માનથી યાદ કરશે.
સોનિયાએ આગળ કહ્યું, “તેમની વિરુદ્ધ લોબી અભિયાન સુનિયોજિત અને સંગઠિત હતું. તેમાં અમલદારશાહીથી લઈને મીડિયા, ન્યાયપાલિકા, સિવિલ સોસાયટી અને નિશ્ચિતપણે RSS અને BJP સુધીના લોકો સામેલ હતા. આજે તેમનું ખોટું અભિયાન તેના નિર્ધારિત અંત એટલે કે શૂન્ય પર પહોંચી ગયું છે. ડો. સિંહ દરેક મામલે નિર્દોષ સાબિત થયા છે.” વાંચો સંપૂર્ણ સમાચાર
5. સીરિયામાં પૂર્વ રાષ્ટ્રપતિ અસદને ફાંસીની સજા:લાખો લોકોના મોત માટે જવાબદાર ઠેરવવામાં આવ્યા; પિતરાઈ ભાઈને પાંજરામાં કોર્ટમાં લાવવામાં આવ્યો
સીરિયાની એક કોર્ટે મંગળવારે દેશના પૂર્વ રાષ્ટ્રપતિ બશર અલ-અસદ અને તેમના નાના ભાઈ માહેર અલ-અસદને ફાંસીની સજા સંભળાવી. બંનેને ગૃહયુદ્ધ દરમિયાન હત્યા અને લોકો પર અત્યાચારના કેસોમાં દોષિત ઠેરવવામાં આવ્યા. આ જ કેસમાં બશર અલ-અસદના મામાના દીકરા અતીફ નજીબને પણ ફાંસીની સજા સંભળાવવામાં આવી. બશર અને માહેર ડિસેમ્બર 2024માં સત્તા ગુમાવ્યા બાદ રશિયા ભાગી ગયા હતા.
પુતિન સરકારે તેમને શરણ આપી છે. આવી સ્થિતિમાં બંનેની ગેરહાજરીમાં આ સજા સંભળાવવામાં આવી. અતીફ નજીબ રશિયા ભાગી શક્યો ન હતો. તેની જાન્યુઆરી 2025માં ધરપકડ કરવામાં આવી હતી. તેને મંગળવારે કોર્ટમાં હાજર કરાયો. સુનાવણી દરમિયાન સુરક્ષાના કડક બંદોબસ્ત કરવામાં આવ્યા હતા. તેને કેદીના યુનિફોર્મ પહેરાવીને પાંજરામાં લાવવામાં આવ્યો હતો. વાંચો સંપૂર્ણ સમાચાર
6. શહેરામાં સાડા પાંચ ઇંચથી જળબંબાકાર, સુવા ગામ સંપર્ક વિહોણું:વૈદ્ય પાસે દવા લેવા આવેલા 100 લોકો ફસાયા; ચાર સિસ્ટમ સક્રિય, 3 જિલ્લામાં ઓરેન્જ એલર્ટ
સવારના 6થી 02 વાગ્યા સુધીમાં 89 તાલુકામાં સૌથી વધુ પંચમહાલના શહેરામાં સાડા પાંચ અને મહીસાગરના કોઠંબામાં સવા પાંચ ઇંચ વરસાદથી જળબંબાકારની સ્થિતિ સર્જાઈ છે. સુવા ગામ પૂરના પાણીથી સંપર્ક વિહોણું થયું છે અને આઠ જેટલા મકાનો ડૂબતા 30 જેટલા લોકોનું રેસ્ક્યૂ કરાયું હતું. અન્ય 10 તાલુકામાં 1 ઇંચથી વધુ વરસાદ ખાબક્યો છે.
મહીસાગર જિલ્લાના લુણાવાડા, વીરપુર અને બાલાસિનોરમાં સતત બીજા દિવસે ધોધમાર વરસાદ વરસી રહ્યો છે, જેના કારણે નદી-નાળાઓ ઓવરફ્લો થતાં જનજીવન ભારે પ્રભાવિત થયું છે. લુણાવાડાના સુવા ગામે કોતરના પાણી ગામમાં ફરી વળતાં સંપર્ક વિહોણું બન્યું છે અને નાયક ફળિયામાં અંદાજે 8 જેટલા મકાનો પાણીમાં ગરકાવ થઈ ગયા છે. વાંચો સંપૂર્ણ સમાચાર
7. સાયબર ઠગો હોટલમાં સૂતા હતા’ને પોલીસ ત્રાટકી, VIDEO:PNB Oneના નામે APK ફાઈલ મોકલી 31 હજાર મોબાઈલ હેક કર્યા, 5613 લોકો પાસેથી 125 કરોડ પડાવ્યા
PNB Oneના નામે બોગસ APK ફાઈલ બનાવી લોકોના મોબાઈલ પર મોકલી હેક કરતી ગેંગને સુરત પોલીસે બિહારથી ઝડપી પાડી છે. ચાર આરોપીઓ પટનાની હોટલમાં રાત્રે ઊંઘી રહ્યા હતા ત્યારે જ સુરત પોલીસની ટીમે હોટલ પર પહોંચી ચારેયને દબોચી લીધા. પોલીસ તપાસમાં આરોપીનું જામતારા ગેંગ સાથે કનેકશન મળ્યું છે.
બોગસ APK ફાઈલ તૈયાર કરી ટોળકી દેશભરમાં અલગ અલગ મોબાઈલ નંબર મોકલતી. જે પણ મોબાઈલ યુઝર ફાઈલ ઓપન કરતા તેના મોબાઈલનો તમામ ડેટા હેક કરી લેતા. બેંક ડીટેઈલનો ઉપયોગ કરી તુરંત જ પૈસા પણ ઉપાડી લેતા. અત્યાર સુધીમાં ટોળકીએ 31,174 મોબાઈલ હેક કરી રૂ. 125 કરોડ રૂપિયા ટ્રાન્સફર કરી લીધા હોવાનું સામે આવ્યું છે. વાંચો સંપૂર્ણ સમાચાર
🎭 આજનું કાર્ટૂન
⚡ કેટલાક મહત્વના સમાચારો હેડલાઈનમાં
1.નેશનલ : મહારાષ્ટ્રમાં વિદ્યાર્થીનીઓએ રિપોર્ટર બનીને ખરાબ રસ્તો બતાવ્યો:છત્રીને માઈક બનાવીને બોલી- રસ્તા અને ખાડાઓનો ખબર પડતી નથી; MLAએ રિપેર કરાવી (વાંચો સંપૂર્ણ સમાચાર)
2.ઈન્ટરનેશનલ : ટ્રમ્પની મીડિયા કંપનીને 2200 કરોડ રૂપિયાનું નુકસાન:3 મહિનામાં માત્ર 16 કરોડની કમાણી, 6 મહિનામાં 6 હજાર કરોડનું નુકસાન થયું (વાંચો સંપૂર્ણ સમાચાર)
3.નેશનલ : કોલકાતામાં મમતા બેનર્જીને જોઈને લોકોએ ‘ચોર-ચોર’ બૂમો પાડી:3 દિવસમાં બીજી ઘટના; હલીસહરમાં કાર પર પથ્થર-કાદવ ફેંક્યા હતા (વાંચો સંપૂર્ણ સમાચાર)
4.ઈન્ટરનેશનલ : લોન્ચના 85 સેકેન્ડ બાદ રોકેટમાં જોરદાર બ્લાસ્ટ, VIDEO:અગનગોળો બન્યો ચીનનું ‘બાહુબલી’ રોકેટ, ઉડાન દરમિયાન ખામી સર્જાતા દુર્ઘટના બની (વાંચો સંપૂર્ણ સમાચાર)
5.બિઝનેસ : ટાટા-ગ્રુપના મુખ્ય ટ્રસ્ટ SRTTમાંથી વિજય સિંહનું રાજીનામું:14 ઑગસ્ટે કાર્યકાળ સમાપ્ત થઈ રહ્યો છે; સર દોરાબજી ટાટા ટ્રસ્ટમાં ચાલુ રહેશે (વાંચો સંપૂર્ણ સમાચાર)
6.સ્પોર્ટ્સ : વાંદરાઓને ભગાડવા માટે લંગૂરના વેશમાં અવાજ કાઢશે:બેડમિન્ટન વર્લ્ડ કપમાં તૈનાત થશે વોલન્ટિયર; વિદેશી મીડિયા સુધી પહોંચ્યા સમાચાર (વાંચો સંપૂર્ણ સમાચાર)
7.ધર્મ તહેવાર જ્યોતિષ : અહંકારમાં નારદ મુનિએ શિવજીની સલાહને અવગણી:ભગવાન વિષ્ણુએ વાનરરૂપ આપીને પાઠ ભણાવ્યો; જીવનમાં સાચા સલાહકાર મળવા સૌભાગ્યની વાત (વાંચો સંપૂર્ણ વાર્તા)
🗣️ ચર્ચિત નિવેદન
😲 અજબ ગજબ
છૂટાછેડા પછી દરરોજ મેરેથોન દોડતો વ્યક્તિએ તોડ્યો રેકોર્ડ
ચીનમાં છૂટાછેડા પછી એક વ્યક્તિએ પોતાને સંભાળવા માટે દોડવાનું શરૂ કર્યું. તે 372 દિવસથી દરરોજ લગભગ 42 કિલોમીટર દોડી રહ્યો છે. આ દરમિયાન તે ચીનના 300 થી વધુ શહેરોમાં પહોંચી ચૂક્યો છે. આ વ્યક્તિએ 366 દિવસ દરરોજ મેરેથોન દોડવાનો રેકોર્ડ પણ તોડ્યો. હવે તેનું લક્ષ્ય 520 દિવસ છે.
📸 ફોટો, જે પોતે સમાચાર છે
🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ
🌍 કરંટ અફેર્સ
⏳ આજના દિવસનો ઈતિહાસ
📊 માર્કેટની સ્થિતિ
🌦️ મોસમનો મિજાજ
રાશિફળ
બુધવારનું રાશિફળ:મિથુન રાશિને વેપારમાં નવી સિદ્ધિ અને લાભના યોગ, ધન અને કુંભ રાશિની પ્રતિષ્ઠા વધશે વાંચો સંપૂર્ણ રાશિફળ
